khudaa kare kahin mai-khaane ki taraf na muDe — Habeeb Moosavi

dil mein bhari hai khaak mein milne ki aarzu
khaakistari huaa hai hamaari qabaa kaa rang

zabaan par tiraa naam jab aa gayaa
to girte ko dekhaa sambhalte hue

taalib-e-bosa huun main qaasid vo hain khvaahaan-e-jaan
ye zaraa si baat hai milte hi tai ho jaaegi

asal saabit hai vahi shara kaa ik parda hai
daane tasbih ke sab phirte hain zunnaaron par

naaseh ye vaaz-o-pand hai bekaar jaaegaa
ham se bhi baada-kash hain kahin paarsaa hue

bahut dinon mein vo aae hain vasl ki shab hai
moazzin aaj na yaarab uThe azaan ke liye

bevafaa tum hue ki tark-e-mohabbat main ne
ishq-baazi miraa sheva thaa miri zaat na thi

'aarif'-husain dhokaa sahi apni zindagi
is zindagi ke baa'd ki haalat bhi hai fareb

ik bevafaa ke pyaar mein had se guzar gae
kaafir ke pyaar ne hamein kaafir banaa diyaa

jin kaa maqsad fareb hotaa hai
vo baDi saadgi se milte hain

balaa se kuchh ho ham 'ehsaan' apni khu na chhoDeinge
hamesha be-vafaaon se mileinge baa-vafaa ho kar

dikhaai detaa hai jo kuchh kahin vo khvaab na ho
jo sun rahi huun vo dhokaa na ho samaaat kaa