har shab shab-e-baraat hai har roz roz-e-id — Haidar Ali Aatish

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

aap ki naazuk kamar par bojh paDtaa hai bahut
baDh chale hain had se gesu kuchh inhein kam kijiye

kuchh nazar aataa nahin us ke tasavvur ke sivaa
hasrat-e-didaar ne aankhon ko andhaa kar diyaa

sun to sahi jahaan mein hai teraa fasaana kyaa
kahti hai tujh ko khalq-e-khudaa ghaaebaana kyaa

safar hai shart musaafir-navaaz bahutere
hazaar-haa shajar-e-saaya-daar raah mein hai

us gul-badan ki bu-e-badan kuchh na puchhiye
band-e-qabaa jo khol diye ghar mahak gayaa

shor din ko nahin sone detaa
shab ko sannaaTaa jagaa detaa hai

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

biis baras se ik taare par man ki jot jagaataa huun
divaali ki raat ko tu bhi koi diyaa jalaayaa kar

rang ho raushni ho yaa khushbu
sab mein partav usi hasin ke hain

vasl ki raat ke sivaa koi shaam
saath le kar sahar nahin aati