kuchh nazar aataa nahin us ke tasavvur ke sivaa — Haidar Ali Aatish

ye aarzu thi tujhe gul ke ru-ba-ru karte
ham aur bulbul-e-betaab guftugu karte

uTh gai hain saamne se kaisi kaisi suratein
roiye kis ke liye kis kis kaa maatam kijiye

ajab teri hai ai mahbub surat
nazar se gir gae sab khubsurat

us gul-badan ki bu-e-badan kuchh na puchhiye
band-e-qabaa jo khol diye ghar mahak gayaa

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

main us gulshan kaa bulbul huun bahaar aane nahin paati
ki sayyaad aan kar meraa gulistaan mol lete hain

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

naakhudaa Dubne vaalon ki taraf muD ke na dekh
na kareinge na kinaaron ki tamannaa ki hai

ye tamannaa hai ki ab aur tamannaa na karein
sher kahte rahein chup chaap taqaazaa na karein

kaTti hai aarzu ke sahaare pe zindagi
kaise kahun kisi ki tamannaa na chaahiye

tamannaaon ki duniyaa dil mein ham aabaad karte hain
ghazab hai apne haathon zindagi barbaad karte hain