us ne kaisaa ye kaam kar Daalaa — Haider Allahabadi

chhat pe aai ho aaj barson baad
dekh kar chaand Dar na jaae kahin

teraa chehra to dekh rakkhaa hai
had hai teri jabin nahin dekhi

kyon miraa intizaar karte ho
kis liye mujh se pyaar karte ho

tiri yaad aai to kahti hain aankhein
ab aankhon se aansu bahaanaa paDegaa

koi bhi ru-baru nahin rahaa ab
meraa matlab hai tu nahin rahaa ab

apne bistar pe dam na toD dein ham
teri baaton ko yaad kar kar ke

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

ai shahr-e-sitam-zaad tiri umr baDi ho
kuchh aur bataa naql-e-makaani ke alaava

umr bhar tujh ko dekhne par bhi
zauq-e-nazzaara kam nahin hotaa

bahut aziiz thi ye zindagi magar ham log
kabhi kabhi to kisi aarzu mein mar bhi gae