tiri yaad aai to kahti hain aankhein — Haider Allahabadi

chhat pe aai ho aaj barson baad
dekh kar chaand Dar na jaae kahin

us ne kaisaa ye kaam kar Daalaa
meraa jiinaa haraam kar Daalaa

teraa chehra to dekh rakkhaa hai
had hai teri jabin nahin dekhi

kyon miraa intizaar karte ho
kis liye mujh se pyaar karte ho

koi bhi ru-baru nahin rahaa ab
meraa matlab hai tu nahin rahaa ab

apne bistar pe dam na toD dein ham
teri baaton ko yaad kar kar ke

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

kiyaa dard-o-gham ne mujhe naa-umid
ki majnun ko ye hi thiin bimaariyaan

nur-e-sahar kahaan hai agar shaam-e-gham gai
kab iltifaat thaa ki jo khu-e-sitam gai

zindagi kaa har ik gham uThaate hue
main sanbhalne lagaa laDkhaDaate hue