apne bistar pe dam na toD dein ham — Haider Allahabadi

itni jaldi nahin bichhaDnaa thaa
jitni jaldi bichhaD gai ho tum

us ne kaisaa ye kaam kar Daalaa
meraa jiinaa haraam kar Daalaa

teraa chehra to dekh rakkhaa hai
had hai teri jabin nahin dekhi

kyon miraa intizaar karte ho
kis liye mujh se pyaar karte ho

tiri yaad aai to kahti hain aankhein
ab aankhon se aansu bahaanaa paDegaa

chhat pe aai ho aaj barson baad
dekh kar chaand Dar na jaae kahin

mere khvaabon ke jharokon ko sajaate rahiye
na sahi vasl magar yaad to aate rahiye

kisi ki yaad manaane mein iid guzregi
so shahr-e-dil mein bahut duur tak udaasi hai

aadhi se ziyaada shab-e-gham kaaT chukaa huun
ab bhi agar aa jaao to ye raat baDi hai

koi puraanaa khat kuchh bhuli-bisri yaad
zakhmon par vo lamhe marham hote hain

mai-khaane mein kyuun yaad-e-khudaa hoti hai aksar
masjid mein to zikr-e-mai-o-minaa nahin hotaa

kachehri mein chaman ki har taraf fariyaad bulbul hai
kiye ho in dino mein gul kuun shaayad pesh-kaar apnaan