kyaa tarjumaani-e-gham-e-duniyaa karein ki jab — Hasan Akbar Kamal

kal yahi bachche samundar ko muqaabil paaeinge
aaj tairaate hain jo kaaghaz ki nannhi kashtiyaan

gae dinon mein ronaa bhi to kitnaa sachchaa thaa
dil halkaa ho jaataa thaa jab ashk bahaane se

baDon ne us ko chhin liyaa hai bachchon se
khabar nahin ab kyaa ho haal khilaune kaa

banaae jaataa thaa main apne haath ko kashkol
so meri ruuh mein khanjar utartaa jaataa thaa

na TuuTe aur kuchh din tujh se rishta is tarah meraa
mujhe barbaad kar de tu magar aahista aahista

diye bujhaati rahi dil bujhaa sake to bujhaae
havaa ke saamne ye imtihaan rakhnaa hai

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

husn jalva dikhaa gayaa apnaa
ishq baiThaa rahaa udaas kahin

us gali mein hazaar gham TuuTaa
aanaa jaanaa magar nahin chhuTaa

vo sang-dil angusht-ba-dandaan nazar aave
aisaa koi sadma miri jaan par nahin hotaa