paanv se lag ke khaDi hai ye gharib-ul-vatani — Hasan Naim

kam nahin ai dil-e-betaab mataa-e-ummid
dast-e-mai-khvaar mein khaali hi sahi jaam to hai

kuchh usulon kaa nasha thaa kuchh muqaddas khvaab the
har zamaane mein shahaadat ke yahi asbaab the

gham se bikhraa na paaemaal huaa
main to gham se hi be-misaal huaa

jo bhi kahnaa hai kaho saaf shikaayat hi sahi
in ishaaraat-o-kinaayaat se ji Dartaa hai

gard-e-shohrat ko bhi daaman se lipaTne na diyaa
koi ehsaan zamaane kaa uThaayaa hi nahin

'iqbaal' ki navaa se musharraf hai go 'naim'
urdu ke sar pe 'mir' ki ghazlon kaa taaj hai

hai ajab nizaam zakaat kaa mire mulk mein mire des mein
ise kaaTtaa koi aur hai ise baanTtaa koi aur hai

chaahne vaalo pyaar mein thoDi aazaadi bhi laazim hai
dekho meraa phuul ziyaada dekh-bhaal se TuuT gayaa

mahv-e-liqaa jo hain malakuti-khisaal hain
bedaar ho ke bhi nazar aate hain khvaab mein

membari se aap par to vaarnish ho jaaegi
qaum ki haalat mein kuchh is se jilaa ho yaa na ho

mat gor-e-gharibaan par ghoDe ko kudaao yuun
kyuun apne shahidon ke aasaar miTaate ho

ghair chehre ajnabi maahaul mubham se nuqush
main jahaan pahunchaa vahi meraa vatan saabit huaa