mat gor-e-gharibaan par ghoDe ko kudaao yuun — Mushafi Ghulam Hamdani

ham bhi ai jaan-e-man itne to nahin naakaara
kabhi kuchh kaam tu ham ko bhi to farmaayaa kar

jitnaa ki ye duniyaa mein hamein khvaar rakhe hai
itne to gunahgaar zamaane ke nahin ham

sach ishq mein hain aashiq o maashuq baraabar
jo mushkil-e-majnun hai so hai mushkil-e-lailaa

lailaa chali thi haj ke liye jazb-e-ishq se
naaqa machal ke najd ki manzil mein rah gayaa

apni to is chaman mein nit umr yunhi guzri
yaan aashiyaan banaayaa vaan aashiyaan banaayaa

pichhaa kisi tarah ye miraa chhoDtaa nahin
haathon se ishq ke koi jaave kahaan nikal

hai ajab nizaam zakaat kaa mire mulk mein mire des mein
ise kaaTtaa koi aur hai ise baanTtaa koi aur hai

azizaan-e-vatan ko ghuncha o barg o samar jaanaa
khudaa ko baaghbaan aur qaum ko ham ne shajar jaanaa

charaagh qaum kaa raushan hai arsh par dil ke
use havaa ke farishte bujhaa nahin sakte

mire jazbe miri shahaadat hain
bahte aansu shahid karti huun

yakaayak loud-speaker se gunjaa film kaa naghma
vatan ki aabru khatre mein hai hushiyaar ho jaao

manzar-e-sarv-o-saman yaad aayaa
phir se gum-gashta vatan yaad aayaa