barsaat ke aate hi tauba na rahi baaqi — Hasrat Mohani

ham kyaa karein agar na tiri aarzu karein
duniyaa mein aur bhi koi tere sivaa hai kyaa

khirad kaa naam junun paD gayaa junun kaa khirad
jo chaahe aap kaa husn-e-karishma-saaz kare

iqraar hai ki dil se tumhein chaahte hain ham
kuchh is gunaah ki bhi sazaa hai tumhaare paas

aise bigDe ki phir jafaa bhi na ki
dushmani kaa bhi haq adaa na huaa

aur to paas mire hijr mein kyaa rakkhaa hai
ik tire dard ko pahlu mein chhupaa rakkhaa hai

taasir-e-barq-e-husn jo un ke sukhan mein thi
ik larzish-e-khafi mire saare badan mein thi

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

na jaane ruuTh ke baiThaa hai dil kaa chain kahaan
mile to us ko hamaaraa koi salaam kahe

aql o dil apni apni kahein jab 'khumaar'
aql ki suniye dil kaa kahaa kijiye

haan kuchh bhi to derina mohabbat kaa bharam rakh
dil se na aa duniyaa ko dikhaane ke liye aa

fan mein na moajaza na karaamaat chaahiye
dil ko lage bas aisi koi baat chaahiye