shab-e-maah mein jab bhi ye dard uThaa kabhi bait kahe likhi chaand-na — Ibn۔E۔Insha

diida o dil ne dard ki apne baat bhi ki to kis se ki
vo to dard kaa baani Thahraa vo kyaa dard baTaaegaa

sun to liyaa kisi naar ki khaatir kaaTaa koh nikaali nahr
ek zaraa se qisse ko ab dete kyuun ho tuul miyaan

ham kisi dar pe na ThiTke na kahin dastak di
saikDon dar the miri jaan tire dar se pahle

kab lauTaa hai bahtaa paani bichhDaa saajan ruThaa dost
ham ne us ko apnaa jaanaa jab tak haath mein daamaan thaa

vo raatein chaand ke saath gaiin vo baatein chaand ke saath gaiin
ab sukh ke sapne kyaa dekhein jab dukh kaa suraj sar par ho

haq achchhaa par us ke liye koi aur mare to aur achchhaa
tum bhi koi mansur ho jo suuli pe chaDho khaamosh raho

jab ki pahlu se yaar uThtaa hai
dard be-ikhtiyaar uThtaa hai

ye aansu ponchh lijiye aur muskuraaiye
chaara nahin hai koi bhi rukhsat kiye baghair

gham hai na ab khushi hai na ummid hai na yaas
sab se najaat paae zamaane guzar gae

main ne apni palkon par gham-kade sajaae hain
aarzu ke maatam mein sogvaar hasti hai

husn jalva dikhaa gayaa apnaa
ishq baiThaa rahaa udaas kahin

ham haal to kah sakte hain apnaa pa kahein kyaa
jab vo idhar aate hain to tanhaa nahin aate