tiri taarif karne lag gayaa huun — Idris Azad

tire rang-o-bu ko bhi dekhte na khayaal thaa na majaal thi
jo sakat mili tujhe dekhne ki to rang-o-bu se nikal gae

main ne jitne bhi log dekhe hain
sab ke sinon mein rog dekhe hain

khinch laati hai samundar se jazire sar-e-aab
jab miri aankh ko manzar ki tamanna ho jaae

itne zaalim na bano kuchh to muravvat sikho
tum pe marte hain to kyaa maar hi Daaloge hamein

main to itnaa bhi samajhne se rahaa hon qaasir
raah takne ke sivaa aankh kaa maqsad kyaa hai

tum ne taaron ko rahnumaa jaanaa
ham ne taaron ki rahnumaai ki

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

dekh ye jazb-e-mohabbat kaa karishma to nahin
kal jo tere dil mein thaa vo aaj mere dil mein hai

ik adaavat se faraaghat nahin milti varna
kaun kahtaa hai mohabbat nahin kar sakte ham

ai shauq pataa kuchh tu hi bataa ab tak ye karishma kuchh na khulaa
ham mein hai dil-e-betaab nihaan yaa aap dil-e-betaab hain ham

tere bimaar-e-mohabbat ki ye haalat pahunchi
ki haTaayaa gayaa takiya bhi sirhaane vaalaa