vahi firaaq ki baatein vahi hikaayat-e-vasl — Iftikhar Arif

main zindagi ki duaa maangne lagaa huun bahut
jo ho sake to duaaon ko be-asar kar de

hamin mein rahte hain vo log bhi ki jin ke sabab
zamin buland hui aasmaan ke hote hue

dayaar-e-nur mein tira-shabon kaa saathi ho
koi to ho jo miri vahshaton kaa saathi ho

main chup rahaa ki vazaahat se baat baDh jaati
hazaar sheva-e-husn-e-bayaan ke hote hue

subh savere ran paDnaa hai aur ghamsaan kaa ran
raaton raat chalaa jaae jis ko jaanaa hai

raas aane lagi duniyaa to kahaa dil ne ki jaa
ab tujhe dard ki daulat nahin milne vaali

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

ghair se nafat jo paa li kharch khud par ho gai
jitne ham the ham ne khud ko us se aadhaa kar liyaa

baDi mushkil se ye jaanaa ki hijr-e-yaar mein rahnaa
bahut mushkil hai par aakhir mein aasaani bahut hai

namak bhar kar mire zakhmon mein tum kyaa muskuraate ho
mire zakhmon ko dekho muskuraanaa is ko kahte hain