khudaa jaane 'asar' ko kyaa huaa hai — Imdad Imam Asar

afsos umr kaT gai ranj-o-malaal mein
dekhaa na khvaab mein bhi jo kuchh thaa khayaal mein

kaisaa aanaa kaisaa jaanaa mere ghar kyaa aaoge
ghairon ke ghar jaane se tum fursat kis din paate ho

kartaa hai ai 'asar' dil-e-khun-gashta kaa gila
aashiq vo kyaa ki khasta-e-tegh-e-jafaa na ho

saath duniyaa kaa nahin taalib-e-duniyaa dete
apne kutton ko ye murdaar liye phirti hai

aaina dekh ke farmaate hain
kis ghazab ki hai javaani meri

gulshan mein kaun bulbul-e-naalaan ko de panaah
gulchin o baaghbaan bhi hain sayyaad ki taraf

main baDaa ho gayaa huun magar bachpanaa
mere dil se kabhi bhi gayaa hi nahin

umr bhar dukh sahte sahte aakhir itnaa to huaa
apni chup ko dekh letaa huun sadaa bante hue

apni mahfil se abas ham ko uThaate hain huzur
chupke baiThe hain alag aap kaa kyaa lete hain

duaaein yaad karaa di gai thiin bachpan mein
so zakhm khaate rahe aur duaa diye gae ham

khamoshi se musibat aur bhi sangin hoti hai
taDap ai dil taDapne se zaraa taskin hoti hai

main hairat o hasrat kaa maaraa khaamosh khaDaa huun saahil par
dariyaa-e-mohabbat kahtaa hai aa kuchh bhi nahin paayaab hain ham