duaaein yaad karaa di gai thiin bachpan mein — Iftikhar Arif

main zindagi ki duaa maangne lagaa huun bahut
jo ho sake to duaaon ko be-asar kar de

hamin mein rahte hain vo log bhi ki jin ke sabab
zamin buland hui aasmaan ke hote hue

dayaar-e-nur mein tira-shabon kaa saathi ho
koi to ho jo miri vahshaton kaa saathi ho

main chup rahaa ki vazaahat se baat baDh jaati
hazaar sheva-e-husn-e-bayaan ke hote hue

subh savere ran paDnaa hai aur ghamsaan kaa ran
raaton raat chalaa jaae jis ko jaanaa hai

raas aane lagi duniyaa to kahaa dil ne ki jaa
ab tujhe dard ki daulat nahin milne vaali

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

har lamha maangte hain duaa did-e-yaar ki
yaad-e-butaan bhi dil mein hai yaad-e-khudaa ke saath

jaane hain kis hasin ta'alluq ki yaadgaar
mujh ko bahut aziiz hain meri ye vahshatein

huun giraftaar-e-ulfat-e-sayyaad
varna baaqi hai taaqat-e-parvaaz

ye bhi kyaa baat ki main teri anaa ki khaatir
teri qaamat se ziyaada tiraa saayaa chaahun