is liye sab se alag hai miri khushbu 'aami' — Imran Aami

hamaare khuun se luThDe hue hain haath us ke
hamaare saath mohabbat bhi hai zamaane ko

hamaare khvaab salaamat rahein tumhaare saath
ye baat kaafi hai duniyaa ki niind uDaane ko

ham-saae mein shaitaan bhi rahtaa hai khudaa bhi
jannat bhi mayassar hai jahannam ki havaa bhi

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

shor din ko nahin sone detaa
shab ko sannaaTaa jagaa detaa hai

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

ye raat aisi havaaein kahaan se laati hai
ki khvaab phulte hain aur zakhm phalte hain

tamaam din ki mashaqqat-bhari takaan ke baad
tamaam raat mohabbat se phir jagaaun use

doston ke saath din mein baiTh kar hanstaa rahaa
apne kamre mein vo jaa kar khuub royaa raat bhar