doston ke saath din mein baiTh kar hanstaa rahaa — Aslam Aazad

dhuup ke baadal baras kar jaa chuke the aur main
oDh kar shabnam ki chaadar chhat pe soyaa raat bhar

main ne apni khvaahishon kaa qatl khud hi kar diyaa
haath khun-aalud hain in ko abhi dhoyaa nahin

apnaa makaan bhi thaa usi moD par magar
jaane main kis khayaal mein auron ke ghar gayaa

hamaare biich vo chup-chaap baiThaa rahtaa hai
main sochtaa huun magar kuchh mujhe pataa na lage

na dasht o dar se alag thaa na jangalon se judaa
vo apne shahr mein rahtaa thaa phir bhi tanhaa thaa

koi divaar salaamat hai na ab chhat meri
khaana-e-khasta ki surat hui haalat meri

jab ki pahlu se yaar uThtaa hai
dard be-ikhtiyaar uThtaa hai

ye vaqt kaifiyaat se bhartaa nahin kabhi
ye jaam ikhtiyaar nahin kar rahaa huun main

zindagi sundar ghazal hai dosto
zindagi ko gungunaanaa chaahiye

saadgi o purkaari be-khudi o hushyaari
husn ko taghaaful mein jurat-aazmaa paayaa

main ab har shakhs se uktaa chukaa huun
faqat kuchh dost hain aur dost bhi kyaa

tazkire mein tire ik naam ko yuun joD diyaa
doston ne mujhe shishe ki tarah toD diyaa