mafaad-e-qaum se naa-aashnaa kirdaar se aari — Inayat Ali Khan

haadse se baDaa saaneha ye huaa
koi Thahraa nahin haadsa dekh kar

phir to tum sar pe uThaa loge zamaane-bhar ko
sar uThaane ki ijaazat nahin di jaaegi

us ke rukhsaar pe hai aur tire honT pe til
tilmilaane ki ijaazat nahin di jaaegi

is se andesha-e-fardaa ki juein jhaDti hain
sar khujaane ki ijaazat nahin di jaaegi

vo close-up to kisi bhi incloser mein na thaa
apne TV par jo ham ho kar magan dekhaa kiye

ye ho saktaa nahin kyuun paas aakhir
miraa beTaa shariat bill nahin hai

hai ajab nizaam zakaat kaa mire mulk mein mire des mein
ise kaaTtaa koi aur hai ise baanTtaa koi aur hai

vatan ki ret zaraa eDiyaan ragaDne de
mujhe yaqin hai ki paani yahin se niklegaa

DhunDoge agar mulkon mulkon milne ke nahin naayaab hain ham
jo yaad na aae bhuul ke phir ai ham-nafaso vo khvaab hain ham

javaano nazr de do apne khun-e-dil kaa har qatra
likhaa jaaegaa hindostaan ko farmaan-e-aazaadi

kisi laashe pe ye baad-e-sabaa kahti hui guzri
shahid-e-ishq hai is ke lahu ko taaza kahte hain

na intizaar karo in kaa ai azaa-daaro
shahid jaate hain jannat ko ghar nahin aate