baDi mushkil se bahlaayaa thaa khud ko — Inder Saraazi

aakhiri umr tak rahegi yaad
raat main saath jis ke bhigaa thaa

aankhein maltaa rotaa chaand
dekho phir se niklaa chaand

ab kisi kaam ke nahin ye rahe
dil vafaa ishq aur tanhaai

raaz-daan hote hain vo ghar aksar
jin gharon mein dhuaan nahin hotaa

jis kaa Dar thaa vahi huaa yaaro
vo faqat ham se hi khafaa niklaa

abhi to mausam-e-khizaan hai ye
khileinge phuul bhi bahaar ke saath

mere khvaabon ke jharokon ko sajaate rahiye
na sahi vasl magar yaad to aate rahiye

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

jiinaa taDap taDap kar marnaa sisak sisak kar
fariyaad ek ji hai kyaa kyaa kharaabiyon mein

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

ghaafil khudaa ki yaad pe mat bhuul zinhaar
apne taiin bhulaa de agar tu bhulaa sake