abhi to mausam-e-khizaan hai ye — Inder Saraazi

aankhein maltaa rotaa chaand
dekho phir se niklaa chaand

baDi mushkil se bahlaayaa thaa khud ko
achaanak yaad teri aa gai phir

ab kisi kaam ke nahin ye rahe
dil vafaa ishq aur tanhaai

raaz-daan hote hain vo ghar aksar
jin gharon mein dhuaan nahin hotaa

jis kaa Dar thaa vahi huaa yaaro
vo faqat ham se hi khafaa niklaa

aakhiri umr tak rahegi yaad
raat main saath jis ke bhigaa thaa

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

kahaan milegi misaal meri sitamgari ki
ki main gulaabon ke zakhm kaanTon se si rahaa huun

charaag chaand shafaq shaam phuul jhiil sabaa
churaain sab ne hi kuchh kuchh shabaahatein teri

shagufta baagh-e-sukhan hai hamin se ai 'saabir'
jahaan mein misl-e-nasim-e-bahaar ham bhi hain

kyaa mastiyaan chaman mein hain josh-e-bahaar se
har shaakh-e-gul hai haath mein saaghar liye hue