aankhein maltaa rotaa chaand — Inder Saraazi

aakhiri umr tak rahegi yaad
raat main saath jis ke bhigaa thaa

baDi mushkil se bahlaayaa thaa khud ko
achaanak yaad teri aa gai phir

ab kisi kaam ke nahin ye rahe
dil vafaa ishq aur tanhaai

raaz-daan hote hain vo ghar aksar
jin gharon mein dhuaan nahin hotaa

jis kaa Dar thaa vahi huaa yaaro
vo faqat ham se hi khafaa niklaa

abhi to mausam-e-khizaan hai ye
khileinge phuul bhi bahaar ke saath

vo chaand hai to aks bhi paani mein aaegaa
kirdaar khud ubhar ke kahaani mein aaegaa

chaand bikhraa rahaa hai kirnon ko
kaun aataa hai sar ko nihuDaae

miri ummid kaa suraj ki teri aas kaa chaand
diye tamaam hi rukh par havaa ke rakkhe the

mujh ko maalum hai mahbub-parasti kaa azaab
der se chaand nikalnaa bhi ghalat lagtaa hai

bachchon ke chhoTe haathon ko chaand sitaare chhune do
chaar kitaabein paDh kar ye bhi ham jaise ho jaaeinge

chhup gayaa eid kaa chaand nikal kar der hui par jaane kyon
nazrein ab tak Tiki hui hain masjid ke minaaron par