ai ahl-e-vafaa daad-e-jafaa kyuun nahin dete — Iqbal Azeem

ab ham bhi sochte hain ki baazaar garm hai
apnaa zamir bech ke duniyaa kharid lein

junun ko hosh kahaan ehtimaam-e-ghaarat kaa
fasaad jo bhi jahaan mein huaa khirad se huaa

manzil to khush-nasibon mein taqsim ho chuki
kuchh khush-khayaal log abhi tak safar mein hain

jab ghar ki aag bujhi to kuchh saamaan bachaa thaa jalne se
so vo bhi un ke haath lagaa jo aag bujhaane aae the

baarhaa un se na milne ki qasam khaataa huun main
aur phir ye baat qasdan bhuul bhi jaataa huun main

guftugu nazr-e-ehtiyaat hui
qabl is ke ki ibtidaa karte

aap chheDein na vafaa kaa qissa
baat mein baat nikal aati hai

rah-e-vafaa mein unhin ki khushi ki baat karo
vo zindagi hain to phir zindagi ki baat karo

ki vafaa ham se to ghair is ko jafaa kahte hain
hoti aai hai ki achchhon ko buraa kahte hain

zindagi ke udaas lamhon mein
bevafaa dost yaad aate hain

zid ki hai aur baat magar khu buri nahin
bhule se us ne saikDon vaade vafaa kiye

vafaa-daari ba-shart-e-ustuvaari asl imaan hai
mare but-khaane mein to kaabe mein gaaDo birhman ko