kaun jaane ki ik tabassum se — Iqbal Safi Puri

mire labon kaa tabassum to sab ne dekh liyaa
jo dil pe biit rahi hai vo koi kyaa jaane

koi samjhaae ki kyaa rang hai maikhaane kaa
aankh saaqi ki uThe naam ho paimaane kaa

chashm-e-saaqi mujhe har gaam pe yaad aati hai
raastaa bhuul na jaaun kahin maikhaane kaa

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

husn jalva dikhaa gayaa apnaa
ishq baiThaa rahaa udaas kahin

jaan dene ke sivaa aur bhi tadbir karun
varna ye baat to ham us se sadaa kahte hain

jab yaad mein taDpein to mohabbat ko baDhaa dein
khud dard-e-mohabbat ki masihaai mohabbat