mire labon kaa tabassum to sab ne dekh liyaa — Iqbal Safi Puri

koi samjhaae ki kyaa rang hai maikhaane kaa
aankh saaqi ki uThe naam ho paimaane kaa

chashm-e-saaqi mujhe har gaam pe yaad aati hai
raastaa bhuul na jaaun kahin maikhaane kaa

kaun jaane ki ik tabassum se
kitne mafhum-e-gham nikalte hain

main baDaa ho gayaa huun magar bachpanaa
mere dil se kabhi bhi gayaa hi nahin

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

'saif' andaaz-e-bayaan rang badal detaa hai
varna duniyaa mein koi baat nai baat nahin

na ho ehsaas to saaraa jahaan hai be-his-o-murda
gudaaz-e-dil ho to dukhti ragein milti hain patthar mein

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

kuchh is tarah se luTi hai mataa-e-dida-o-dil
ki ab kisi se bhi zikr-e-vafaa nahin karte