koi samjhaae ki kyaa rang hai maikhaane kaa — Iqbal Safi Puri

mire labon kaa tabassum to sab ne dekh liyaa
jo dil pe biit rahi hai vo koi kyaa jaane

chashm-e-saaqi mujhe har gaam pe yaad aati hai
raastaa bhuul na jaaun kahin maikhaane kaa

kaun jaane ki ik tabassum se
kitne mafhum-e-gham nikalte hain

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

gham hai na ab khushi hai na ummid hai na yaas
sab se najaat paae zamaane guzar gae

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

main jis mein rah na sakaa ji-huzuriyon ke sabab
ye aadmi hai usi kaamyaab mausam kaa