sote mein vo jo mujh se ham-aaghosh ho gae — Jaleel Manikpuri

aaj hai vo bahaar kaa mausam
phuul toDun to haath jaam aae

pyaari surat vo haae kyaa hogi
jis ko be-dekhe pyaar aataa hai

tazkira soz-e-mohabbat kaa kiyaa thaa ik baar
taa-dam-e-marg zabaan se miri chhaale na gae

mohabbat ek taraf se mazaa nahin deti
kuchh iztiraab tujhe ho kuchh iztiraab mujhe

kah do ye kohkan se ki marnaa nahin kamaal
mar mar ke hijr-e-yaar mein jiinaa kamaal hai

jo tire ishq mein tabaah huaa
koi us ko tabaah kar na sakaa

mere khvaabon ke jharokon ko sajaate rahiye
na sahi vasl magar yaad to aate rahiye

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

main ne jo khvaab abhi dekhaa nahin hai 'akhtar'
meraa har khvaab usi khvaab ki taabir bhi hai

puraane khvaabon se reza reza badan huaa hai
ye chaahtaa huun ki ab nayaa koi khvaab dekhun

khvaabida apne chaahne vaalon ko dekh kar
mumkin hai lauT jaae sahar jaagte raho

haan ye bhi tariqa achchhaa hai tum khvaab mein milte ho mujh se
aate bhi nahin gham-khaane tak vaada bhi vafaa ho jaataa hai