koi dast-e-masihaai karam-andaaz hone tak — Jamal Abbas Fahmi

sar ko neza nasib hotaa hai
sarfaraazi yunhi nahin milti

dosti ik din dushman se ho sakti hai
soch ke ye laDne kaa iraada chhoD diyaa

jab khatm hui dil se isaar ki gunjaaish
aangan mein nikal aai divaar ki gunjaaish

tujh se milne kaa bahaana to koi chaahiye thaa
ham ne vo ek bahaana kabhi DhunDaa hi nahin

koi to aisaa ho jis se main dil ki baat karun
so apne aap se hi baat kartaa rahtaa huun

Thukraa ke chale aae khuddaar tabiat hai
ham un ki inaayat ko khairaat samajhte hain

na tum hosh mein ho na ham hosh mein hain
chalo mai-kade mein vahin baat hogi

sau fasaad ek ishq mein uTThe
boyaa ik tukhm uge hazaar darakht

kisi ke zakhm par chaahat se paTTi kaun baandhegaa
agar bahnein nahin hongi to raakhi kaun baandhegaa

ishq phir ishq hai aashufta-sari maange hai
hosh ke daur mein bhi jaama-dari maange hai

mujh tak kab un ki bazm mein aataa thaa daur-e-jaam
saaqi ne kuchh milaa na diyaa ho sharaab mein

aae kuchh abr kuchh sharaab aae
is ke baa'd aae jo azaab aae