mustaqil boltaa hi rahtaa huun — Jaun Elia

bin tumhaare kabhi nahin aai
kyaa miri niind bhi tumhaari hai

ek qattaala chaahiye ham ko
ham ye ealaan-e-aam kar rahe hain

chaand ne taan li hai chaadar-e-abr
ab vo kapDe badal rahi hogi

bahut nazdik aati jaa rahi ho
bichhaDne kaa iraada kar liyaa kyaa

ham ajab hain ki us ki baahon mein
shikva-e-naarasaai karte hain

dil ki taklif kam nahin karte
ab koi shikva ham nahin karte

main baDaa ho gayaa huun magar bachpanaa
mere dil se kabhi bhi gayaa hi nahin

kyaa kyaa pukaarein sisakti dekhin lafzon ke zindaanon mein
chup hi ki talqin kare hai ghairat-mand zamir hamein

jaa paDe chup ho ke jab shahr-e-khamoshaan mein 'nazir'
ye ghazal ye rekhta ye sher-khvaani phir kahaan

be-hisi par miri vo khush thaa ki patthar hi to hai
main bhi chup thaa ki chalo siine mein khanjar hi to hai

sabaq aa ke gor-e-gharibaan se le lo
khamoshi mudarris hai is anjuman mein

is bhari duniyaa se vo chal diyaa chupke se yuun
jaise kisi ko bhi ab us ki zarurat na thi