main bachpan mein khilaune toDtaa thaa — Javed Akhtar

agar palak pe hai moti to ye nahin kaafi
hunar bhi chaahiye alfaaz mein pirone kaa

yahi haalaat ibtidaa se rahe
log ham se khafaa khafaa se rahe

hai paash paash magar phir bhi muskuraataa hai
vo chehra jaise ho TuuTe hue khilaune kaa

tab ham donon vaqt churaa kar laate the
ab milte hain jab bhi fursat hoti hai

main paa sakaa na kabhi is khalish se chhuTkaaraa
vo mujh se jiit bhi saktaa thaa jaane kyuun haaraa

isi jagah isi din to huaa thaa ye elaan
andhere haar gae zindabaad hindostaan

main baDaa ho gayaa huun magar bachpanaa
mere dil se kabhi bhi gayaa hi nahin

main abhi chup huun to maikhaane mein khaamoshi hai
koi paighaam to de ai lab-e-saaghar mujh ko

jis ne paayaa use so hai khaamosh
jis ne paayaa nahin so baktaa hai

milti hai khushi sab ko jaise hi kahin se bhi
bhuli hui bachpan ki tasvir nikalti hai

vo shaant baiThaa hai kab se main shor kyon na karun
bas ek baar vo kah de ki chup to chuun na karun

shaam hai ye vaade ki ishq ke iraade ki
ik javaan saa sannaaTaa ik hasin khaamoshi