aap se ab kyaa chhupaanaa aap koi ghair hain — Javed Saba

ye kah ke us ne mujhe makhmase mein Daal diyaa
milaao haath agar vaaqai mohabbat hai

mujhe tanhaai ki aadat hai meri baat chhoDein
ye liije aap kaa ghar aa gayaa hai haat chhoDein

ye jo milaate phirte ho tum har kisi se haath
aisaa na ho ki dhonaa paDe zindagi se haath

guzar rahi thi zindagi guzar rahi hai zindagi
nasheb ke baghair bhi faraaz ke baghair bhi

us ne aavaara-mizaaji ko nayaa moD diyaa
paa-ba-zanjir kiyaa aur mujhe chhoD diyaa

ye jo mahfil mein mire naam se maujud huun main
main nahin huun miraa dhokaa hai koi dekh na le

apni anaa ki aaj bhi taskin ham ne ki
ji bhar ke us ke husn ki tauhin ham ne ki

kyon tasavvur mein ji rahaa huun main
jab haqiqat mein mar hi jaanaa hai

kaaghaz ki naav bhi hai khilaune bhi hain bahut
bachpan se phir bhi haath milaanaa muhaal hai

taa-umr apni fikr o riyaazat ke baavajud
khud ko kisi sazaa se bachaanaa muhaal hai

tiri yaad mein thi vo be-khudi ki na fikr-e-naama-bari rahi
miri vo nigaarish-e-shauq bhi kahin taaq hi pe dhari rahi

ham kahaan aur tum kahaan jaanaan
hain kai hijr darmiyaan jaanaan