tujhe main ghaur se dekhun main tujh se pyaar karun — Jawayd Anwar

be-tuki raushni mein paraae andhere liye
ek manzar hai tere liye ek mere liye

ajab khvaabon se meraa raabta rakkhaa gayaa
mujhe soe-huon mein jaagtaa rakkhaa gayaa

har ek had se pare apnaa boriyaa le jaa
badi kaa naam na le aur nekiyon se nikal

jo din chaDhaa to hamein niind ki zarurat thi
sahar ki aas mein ham log raat bhar jaage

koi kahaani koi vaaqia sunaa to sahi
agar hansaa nahin saktaa mujhe rulaa to sahi

suno ki ab ham gulaab deinge gulaab leinge
mohabbaton mein koi khasaara nahin chalegaa

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

'faraaz' ishq ki duniyaa to khub-surat thi
ye kis ne fitna-e-hijr-o-visaal rakkhaa hai

vo ajab ghaDi thi main jis ghaDi liyaa dars nuskha-e-ishq kaa
ki kitaab aql ki taaq par juun dhari thi tyuun hi dhari rahi

palaT paDaa jo main sar phoD kar mohabbat mein
to raasta isi divaar se nikal aayaa

dil-e-sad-chaak miraa raah yahaan kab paae
kucha-e-zulf mein phirtaa hai tire shaana kharaab