ik sham-e-aarzu ki haqiqat hi kyaa magar — Junaid Hazin Lari

dekhaa nahin vo chaand saa chehraa kai din se
taarik nazar aati hai duniyaa kai din se

vo saadgi mein bhi hai ajab dilkashi liye
is vaaste ham us ki tamannaa mein ji liye

tiri talaash mein nikle to itni duur gae
ki ham se tai na hue faasle judaai ke

ajab bahaar dikhaai lahu ke chhinTon ne
khizaan kaa rang bhi rang-e-bahaar jaisaa thaa

udaasiyaan hain jo din mein to shab mein tanhaai
basaa ke dekh liyaa shahr-e-aarzu main ne

qatra na ho to bahr na aae vajud mein
paani ki ek buund samundar se kam nahin

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

takmil-e-aarzu se bhi hotaa hai gham kabhi
aisi duaa na maang jise bad-duaa kahein

khud apni lauh-e-tamannaa pe khil ke dekhungaa
kisi ke jabr ne likkhaa thaa raaegaan mujh ko

jism ki miTTi na le jaae bahaa kar saath mein
dil ki gahraai mein girtaa khvaahishon kaa aabshaar

be-khabar road pe in bhaagte bachchon ko main
kitni hasrat se thakan oDhe hue dekhtaa huun

teri nisbat mili mujhe jab se
main koi aarzu nahin kartaa