khamoshi mein har baat ban jaae hai — Kaleem Aajiz

gham hai to koi lutf nahin bistar-e-gul par
ji khush hai to kaanTon pe bhi aaraam bahut hai

ye tarz-e-khaas hai koi kahaan se laaegaa
jo ham kaheinge kisi se kahaa na jaaegaa

mausam-e-gul hamein jab yaad aayaa
jitnaa gham bhule the sab yaad aayaa

haan kuchh bhi to derina mohabbat kaa bharam rakh
dil se na aa duniyaa ko dikhaane ke liye aa

unhin ke giit zamaane mein gaae jaaeinge
jo choT khaaeinge aur muskuraae jaaeinge

ye aansu be-sabab jaari nahin hai
mujhe rone ki bimaari nahin hai

main baDaa ho gayaa huun magar bachpanaa
mere dil se kabhi bhi gayaa hi nahin

raat yuun dil mein tiri khoi hui yaad aai
jaise viraane mein chupke se bahaar aa jaae

baaton ne us ki ham ko khaamosh kar diyaa hai
aage zabaan thi lekin ab gosh kar diyaa

main abhi chup huun to maikhaane mein khaamoshi hai
koi paighaam to de ai lab-e-saaghar mujh ko

chup ke aalam mein vo tasvir si surat us ki
bolti hai to badal jaati hai rangat us ki

jis ne paayaa use so hai khaamosh
jis ne paayaa nahin so baktaa hai