gharaz kisi se na ai dosto kabhu rakhiyo — Kaleem Aajiz

gham hai to koi lutf nahin bistar-e-gul par
ji khush hai to kaanTon pe bhi aaraam bahut hai

ye tarz-e-khaas hai koi kahaan se laaegaa
jo ham kaheinge kisi se kahaa na jaaegaa

mausam-e-gul hamein jab yaad aayaa
jitnaa gham bhule the sab yaad aayaa

haan kuchh bhi to derina mohabbat kaa bharam rakh
dil se na aa duniyaa ko dikhaane ke liye aa

unhin ke giit zamaane mein gaae jaaeinge
jo choT khaaeinge aur muskuraae jaaeinge

ye aansu be-sabab jaari nahin hai
mujhe rone ki bimaari nahin hai

jab ki pahlu se yaar uThtaa hai
dard be-ikhtiyaar uThtaa hai

barseingi aaj rahmatein aamad hai yaar ki
naayaab hain ye ghaDiyaan tire intizaar ki

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

siina se siina milaa denaa to kuchh mushkil nahin
yaar mushkil to tire dil se milaanaa dil kaa hai

doston ko bhi tah-ba-tah rakh de
jaise rakhti hai tu libaas apne

har ek haath mein hathyaar hon jahaan 'aarif'
mujhe qalam se vahaan inqalaab laanaa hai