zaraa dekh aaina meri vafaa kaa — Kaleem Aajiz

gham hai to koi lutf nahin bistar-e-gul par
ji khush hai to kaanTon pe bhi aaraam bahut hai

ye tarz-e-khaas hai koi kahaan se laaegaa
jo ham kaheinge kisi se kahaa na jaaegaa

mausam-e-gul hamein jab yaad aayaa
jitnaa gham bhule the sab yaad aayaa

haan kuchh bhi to derina mohabbat kaa bharam rakh
dil se na aa duniyaa ko dikhaane ke liye aa

unhin ke giit zamaane mein gaae jaaeinge
jo choT khaaeinge aur muskuraae jaaeinge

ye aansu be-sabab jaari nahin hai
mujhe rone ki bimaari nahin hai

main girdaabon mein ghumungaa main tufaanon se khelungaa
lab-e-dariyaa mujhe Dar Dar ke mar jaanaa nahin aataa

mujhe malaal nahin teri bevafaai kaa
main apne aap se aankhein nahin milaa saktaa

tumhaare saath mire mukhtalif maraasim hain
miri vafaa pe kabhi inhisaar mat karnaa

ghalat-ravi ko tiri main ghalat samajhtaa huun
ye bevafaai bhi shaamil miri vafaa mein hai

tufaan-e-bahr khaak Daraataa mujhe 'turaab'
us se baDaa bhanvar to safine ke biich thaa

tiri shokh aankhon mein baarhaa kai khvaab dekhe hain pyaar ke
tiraa pyaar meraa nasib hai kisi aur ko ye vafaa na de