ghalat-ravi ko tiri main ghalat samajhtaa huun — Asim Wasti

sikhaa na duaaon mein qanaaat kaa saliqa
vo maang rahaa huun jo muqaddar mein nahin hai

log kahte hain ki vo shakhs hai khushbu jaisaa
saath shaayad use le aae havaa dekhte hain

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

tu mire paas jab nahin hotaa
tujh se kartaa huun kis qadar baatein

miri zabaan ke mausam badalte rahte hain
main aadmi huun miraa e'tibaar mat karnaa

kahin kahin to zamin aasmaan se unchi hai
ye raaz mujh pe khulaa siDhiyaan utarte hue

tum aur fareb khaao bayaan-e-raqib se
tum se to kam gila hai ziyaada nasib se

be-vafaa tum baa-vafaa main dekhiye hotaa hai kyaa
ghaiz mein aane ko tum ho mujh ko pyaar aane ko hai

apnon ki chaahaton ne bhi kyaa kyaa diye fareb
rote rahe lipaT ke har ik ajnabi ke saath

fareb-khurda hai itnaa ki mere dil ko abhi
tum aa chuke ho magar intizaar baaqi hai

jo baa-khabar the vo dete rahe fareb mujhe
tiraa pata jo milaa ek be-khabar se milaa

yaar main itnaa bhukaa huun
dhokaa bhi khaa letaa huun