zindagi gum na dosti gum hai — Kanval Dibaivi

'kanval' khushi ki huaa karti hai yunhi takmil
gham-e-hayaat ke har bahr-e-be-karaan se guzar

hansi mein kaTti thiin raatein khushi mein din guzartaa thaa
'kanval' maazi kaa afsaana na tum bhule na ham bhule

jis ne buniyaad gulistaan ki kabhi Daali thi
us ko gulshan se guzarne nahin deti duniyaa

gham-e-dauraan gham-e-jaanaan gham-e-uqbaa gham-e-duniyaa
'kanval' is zindagi mein gham ke maaron ko na chain aayaa

kuchh bujhi bujhi si hai anjuman na jaane kyuun
zindagi mein pinhaan hai ik chubhan na jaane kyuun

kam-umri mein sunet hain
mar jaate hain achchhe log

jiinaa taDap taDap kar marnaa sisak sisak kar
fariyaad ek ji hai kyaa kyaa kharaabiyon mein

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

umr hi teri guzar jaaegi un ke hal mein
teraa bachcha jo savaalaat liye baiThaa hai

meri saari zindagi ko be-samar us ne kiyaa
umr meri thi magar us ko basar us ne kiyaa

bas ek pal ki tamannaa-e-vasl ki khaatir
tamaam 'umr lagaa di gai sanvarne mein