hamesha aag ke dariyaa mein ishq kyuun utre — Karamat Ali Karamat

main shuaa-e-zaat ke siine mein gunjaa huun kabhi
aur 'karaamat' main kabhi lamhon ke khvaabon mein rahaa

achchhaa hai yaa kharaab nahin is se vaasta
phuTaa huaa ye meraa muqaddar mujhe aziiz

manzil pe bhi pahunch ke mayassar nahin sakun
majbur is qadar hain shuur-e-safar se ham

koi zamin hai to koi aasmaan hai
har shakhs apni zaat mein ik daastaan hai

main lafz lafz mein tujh ko talaash kartaa huun
savaal mein nahin aataa na aa javaab mein aa

ye apne hi kirdaar kaa hai natija
jo rab ki taraf se ye ham par ghazab hai

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

yazid-e-vaqt ne ab ke lagaai hai qadghan
ki bhuul kar bhi na gaae koi taraana-e-ishq

sab apne apne tariqe se bhiik maangte hain
koi ba-naam-e-mohabbat koi ba-jaama-e-ishq

ishq mein aur bhi divaana banaa deti hai
meri aavaaz mein mil kar tiri aavaaz mujhe

ye daagh-e-ishq jo miTtaa bhi hai chamaktaa bhi hai
ye zakhm hai ki nishaan hai mujhe nahin maalum