taa-'umr mujh ko koi sahaaraa na mil sakaa — Karan Bedi

ham se pahle bhi the is raah pe chalne vaale
ab yahi soch ke rukte hain yahaan dusre log

sab bechne mein hi lage hain kuchh na kuchh yahaan
duniyaa dikhaai deti hai baazaar ki tarah

har ek shakhs mein us ko talaashtaa huun main
vo mujh ko apnaa talabgaar kar ke chhoD gayaa

kulhaaDi pair pe apne hi maar lete hain
shajar ko kaaT ke saayaa talaash karte hain

mujh ko lagaa vo sun rahaa hai ghaur se magar
baiThaa huaa thaa saamne divaar ki tarah

buraai karnaa 'aadat mein nahin hai
vagarna khubi batlaate tumhaari

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

kaarvaan jin kaa luTaa raah mein aazaadi ki
qaum kaa mulk kaa un dard ke maaron ko salaam

mujhe dushman se apne ishq saa hai
main tanhaa aadmi ki dosti huun

din-raat paDaa rahtaa huun darvaaze pe apne
is gham mein ki koi kabhi aataa thaa idhar se