kulhaaDi pair pe apne hi maar lete hain — Karan Bedi

ham se pahle bhi the is raah pe chalne vaale
ab yahi soch ke rukte hain yahaan dusre log

sab bechne mein hi lage hain kuchh na kuchh yahaan
duniyaa dikhaai deti hai baazaar ki tarah

har ek shakhs mein us ko talaashtaa huun main
vo mujh ko apnaa talabgaar kar ke chhoD gayaa

taa-'umr mujh ko koi sahaaraa na mil sakaa
aansu nikal paDe hain 'azaadaar dekh kar

mujh ko lagaa vo sun rahaa hai ghaur se magar
baiThaa huaa thaa saamne divaar ki tarah

buraai karnaa 'aadat mein nahin hai
vagarna khubi batlaate tumhaari

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gham hai na ab khushi hai na ummid hai na yaas
sab se najaat paae zamaane guzar gae

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

aasmaan jhaank rahaa hai 'khaalid'
chaand kamre mein mire utraa hai

vo na aaegaa hamein maalum thaa is shaam bhi
intizaar us kaa magar kuchh soch kar karte rahe