mire abbaa ne is ko daad di naazuk-khayaali ki — Khalid Irfan

kaisaa ajiib aayaa hai is saal kaa bajaT
murghi kaa jo bajaT hai vahi daal kaa bajaT

jo tum parfum mein Dupki lagaa kar roz aati ho
fazaa tum se moattar hai havaa mein kuchh nahin rakkhaa

jo lughat ko toD-maroD de jo ghazal ko nasr se joD de
main vo bad-mazaaq-e-sukhan nahin vo jadidiyaa koi aur hai

election phir vo zil-hijj ke mahine mein karaaeinge
to kyaa do daant ke voter ki phir qurbaaniyaan hongi

main ne bas itnaa hi likhaa i-love-you aur phir
us ne aage kar diyaa thaa gaal internet par

do chaar din se meri samaaat block thi
tum ne ghazal paDhi to miraa kaan khul gayaa

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

mere ash'aar churaane vaalo
kyaa miraa dard churaa sakte ho

cigarette se jaa ke duur giraa khaak ho gayaa
aaya sharar ki shakl mein soz-e-nihaan kaa dard

ham kis ko dikhaate shab-e-furqat ki udaasi
sab khvaab mein the raat ko bedaar hamin the