cigarette se jaa ke duur giraa khaak ho gayaa — Pranav Mishra Tejas

na jaane kaun si turpan udheD rakkhi hai
kisi ke jaane se itnaa bhi kaun rotaa hai

apni talab mein shauq se jagte hain raat-bhar
ham ko kisi ke ishq kaa maaraa na jaaniye

jaate nahin hain aur kahin phaankne ko dhuul
sahraa hamaare ghar kaa hai mehmaan in dinon

sajda huaa hamesha faqiron ke ilm par
ham aagahi pe marte hain poshaak par nahin

mujh se khalaa mein baat bhi karnaa nahin rafiq
aise khalaa mein baat bhi karnaa hai ik gunaah

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

tanhaai ki dulhan apni maang sajaae baiThi hai
viraani aabaad hui hai ujDe hue darakhton mein

ye teraa gulistaan teraa chaman kab meri navaa ke qaabil hai
naghma miraa apne daaman mein aap apnaa gulistaan laataa hai

raaz-e-gham-e-ulfat ko ye duniyaa na samajh le
aansu mire daaman mein tumhaare bhi mile hain