kahaan se aai thi aakhir tiri talab mujh mein — Khalid Nadeem Shaani

tum in lakiron mein ik khushi bhi talaash kar lo to moajiza hai
ki main to bachpan se jaantaa huun miri hatheli kaa naam dukh hai

hazrat-e-josh ke divaan kaa jab zikr chale
kitni hasrat se hamein urdu zabaan dekhti hai

hami vo ilm ke raushan charaagh hain jin ko
havaa bujhaati nahin hai salaam karti hai

jis tarah aap ne bimaar se rukhsat li hai
saaf lagtaa hai janaaze mein nahin aaeinge

main agar khud ko maar Daalun to
kyaa bachegaa tiri kahaani mein

dard ki chaah mein pahle to kuredun shab-bhar
phir usi zakhm ko siine kaa mazaa letaa huun

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

jab bhi vo mujh se milaa rone lagaa
aur jab tanhaa huaa rone lagaa

tum se mile to khud se ziyaada
tum ko akelaa paayaa ham ne

jo dil ne kahi lab pe kahaan aai hai dekho
ab mahfil yaaraan mein bhi tanhaai hai dekho

kis ko fursat thi ki 'akhtar' dekhtaa meri taraf
main jahaan jis bazm mein jab tak rahaa tanhaa rahaa

khalq be-parvaa khudaa bandon se tang aayaa huaa
main akelaa phir rahaa huun hashr ke maidaan mein