rafta rafta sab tasvirein dhundli hone lagti hain — Khushbir Singh Shaad

bhanvar jab bhi kisi majbur kashti ko Dubotaa hai
to apni bebasi par duur se saahil taDaptaa hai

ye teraa taaj nahin hai hamaari pagDi hai
ye sar ke saath hi utregi sar kaa hissa hai

'shaad' itni baDh gai hain mere dil ki vahshatein
ab junun mein dasht aur ghar ek jaise ho gae

yahi qatre banaate hain kabhi to ghaas par moti
kabhi shabnam ko ye simaab mein tabdil karte hain

nai mushkil koi darpesh har mushkil se aage hai
safar divaangi kaa ishq ki manzil se aage hai

ab andheron mein jo ham khauf-zada baiThe hain
kyaa kahein khud hi charaaghon ko bujhaa baiThe hain

main baDaa ho gayaa huun magar bachpanaa
mere dil se kabhi bhi gayaa hi nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

'saif' andaaz-e-bayaan rang badal detaa hai
varna duniyaa mein koi baat nai baat nahin

ret hai suraj hai vusat hai tanhaai
lekin naan is dil ki khaam-khayaali jaae

rah gai zindagi dard ban ke
dard dil mein chhupaae chhupaae

jo dil-o-imaan na dein nazraan buton ko dekh kar
yaa khudaa vo log is duniyaa mein aae kis liye