kyuun logon se mehr-o-vafaa ki aas lagaae baiThe ho — Kumar Pashi

koi to DhunD ke mujh ko kahin se le aae
ki khud ko dekhaa nahin hai bahut zamaanon se

hain saare inkishaaf apne hain saare mumkinaat apne
ham is duniyaa kaa saaraa ilm le jaaeinge saath apne

kuchh ghazlein un zulfon par hain kuchh ghazlein un aankhon par
jaane vaale dost ki ab ik yahi nishaani baaqi hai

oDh liyaa hai main ne libaadaa shishe kaa
ab mujh ko kisi patthar se Takraane do

teri yaad kaa har manzar pas-manzar likhtaa rahtaa huun
dil ko varaq banaataa huun aur shab bhar likhtaa rahtaa huun

din chaDh aayaa kyon nahin aae jaaein un se puchh aaein
lekin un ke paas to ai dil koi bahaana hogaa hi

safina ho rahaa hai gharq-e-tufaan
nigaahon se kinaare jaa rahe hain

bus mujhe be-vafaa keh dijiye mar jaaungi
aap par qatl ki tohmat bhi nahin aaegi

Dareinge log vafaa ke khayaal se 'nazmi'
miri vafaaon kaa jis din sila milegaa mujhe

baa-vafaai ki adaa paane lagaa huun tujh mein
ai jafaa-dost ye kyaa dekh rahaa huun tujh mein

jins-e-vafaa kaa dahr mein baazaar gir gayaa
jab ishq faiz-e-husn kaa haamil nahin rahaa

koi masrufiyat hogi vagarna maslahat hogi
na is paimaan-faraamoshi se us ko bevafaa kahnaa