dil ke tamaam zakhm tiri haan se bhar gae — Kumar Vishwas

usi ki tarah mujhe saaraa zamaanaa chaahe
vo miraa hone se zyaada mujhe paanaa chaahe

jism chaadar saa bichh gayaa hogaa
ruuh silvaT haTaa rahi hogi

apne hi aap se is tarah hue hain rukhsat
saans ko chhoD diyaa jis samt bhi jaanaa chaahe

koi divaana kahtaa hai koi paagal samajhtaa hai
magar dharti ki bechaini ko bas baadal samajhtaa hai

jab se milaa hai saath mujhe aap kaa huzur
sab khvaab zindagi ke hamaare sanvar gae

miraa khayaal tiri chuppion ko aataa hai
tiraa khayaal miri hichkiyon ko aataa hai

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

ek khabar hai tere liye
dil par patthar bhaari rakh

ishq ke maraahil mein vo bhi vaqt aataa hai
aafatein barasti hain dil sukun paataa hai

na jaane kis kaa saaya dil se guzraa
zaraa aavaaz denaa raazdaaro

ulfat ke badle un se milaa dard-e-laa-ilaaj
itnaa baDhe hai dard main jitni davaa karun