koi divaana kahtaa hai koi paagal samajhtaa hai — Kumar Vishwas

usi ki tarah mujhe saaraa zamaanaa chaahe
vo miraa hone se zyaada mujhe paanaa chaahe

jism chaadar saa bichh gayaa hogaa
ruuh silvaT haTaa rahi hogi

apne hi aap se is tarah hue hain rukhsat
saans ko chhoD diyaa jis samt bhi jaanaa chaahe

dil ke tamaam zakhm tiri haan se bhar gae
jitne kaThin the raaste vo sab guzar gae

jab se milaa hai saath mujhe aap kaa huzur
sab khvaab zindagi ke hamaare sanvar gae

miraa khayaal tiri chuppion ko aataa hai
tiraa khayaal miri hichkiyon ko aataa hai

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

tiri samajh mein na aa sakegi kisi ke ashkon ki qadr-o-qimat
abhi hai naa-aashnaa-e-gham tu abhi tiraa dil dukhaa nahin hai

ye dil kab ishq ke qaabil rahaa hai
kahaan is ko dimaagh o dil rahaa hai

qismat hi mein raushni nahin thi
baadal to kabhi kaa chhaT rahaa thaa

jab se Taangi hai tiri tasvir dil ki algani par
yaan tabhi se din mein titli baiThti hai shab mein jugnu