miri samajh mein na aayaa ye kaarobaar-e-hayaat — Lais Quraishi

talkhaaba-e-hayaat piyaa hai tamaam umar
ab aur kyaa milaaegaa saaqi sharaab mein

yahi bahut hai ki zinda hain qaid-e-zist mein ham
ye kaisi shaam hai kaisi sahar nahin maalum

kam-umri mein sunet hain
mar jaate hain achchhe log

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

umr hi teri guzar jaaegi un ke hal mein
teraa bachcha jo savaalaat liye baiThaa hai

idhar to tuul diyaa hai umiid ko us ne
udhar hayaat ataa ki hai mukhtasar mujh ko

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai