talkhaaba-e-hayaat piyaa hai tamaam umar — Lais Quraishi

miri samajh mein na aayaa ye kaarobaar-e-hayaat
kahaan hai nafaa kahaan hai zarar nahin maalum

yahi bahut hai ki zinda hain qaid-e-zist mein ham
ye kaisi shaam hai kaisi sahar nahin maalum

kam-umri mein sunet hain
mar jaate hain achchhe log

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

idhar to tuul diyaa hai umiid ko us ne
udhar hayaat ataa ki hai mukhtasar mujh ko

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

meri saari zindagi ko be-samar us ne kiyaa
umr meri thi magar us ko basar us ne kiyaa