meraa hi khat us shokh ne bhejaa mire aage — Lala Madhav Ram Jauhar

ai dost tujh ko rahm na aae to kyaa karun
dushman bhi mere haal pe ab aab-dida hai

apni zabaan se mujhe jo chaahe kah lein aap
baDh baDh ke bolnaa nahin achchhaa raqib kaa

jab kahte hain ham karte ho kyuun vaada-khilaafi
farmaate hain hans kar ye nai baat nahin hai

us ne phir kar bhi na dekhaa main use dekhaa kiyaa
de diyaa dil raah chalte ko ye main ne kyaa kiyaa

mal rahe hain vo apne ghar mehndi
ham yahaan eDiyaan ragaDte hain

vahi shaagird phir ho jaate hain ustaad ai 'jauhar'
jo apne jaan-o-dil se khidmat-e-ustaad karte hain

pahunchaa na thaa yaqin ki manzil pe main abhi
meraa khayaal mujh se bhi aage nikal gayaa

zabaan-e-haal se ye lucknow ki khaak kahti hai
miTaayaa gardish-e-aflaak ne jaah-o-hasham meraa

teraa aadhaa kaam khud insaan hi karne lage
kaam teraa ab to ai shaitaan aadhaa rah gayaa

shaakh par shab ki lage is chaand mein hai dhuup jo
vo miri aaankhon ki hai so vo samar meraa bhi hai

itnaa sach bol ki honTon kaa tabassum na bujhe
raushni khatm na kar aage andheraa hogaa

is daaera-e-raushni-o-rang se aage
kyaa jaaniye kis haal mein basti ke makin hain